April 2, 2009

• 唉...........

  之前音樂堂話要present, 做伴奏. 我果組淨係揀咗 bell 同 jazz drum. 我就做寫譜果個啦, 而原子奇就話佢識打bell, 咁就叫咗佢打啦. 而果drum set 就係麥雞打, 佢又話自己識, 咁我就由佢打啦!

  今日就要present喇, 但係一次都冇練過囉! 都算喇, 我都搞掂好晒d 譜! 仲好清楚咁講好晒俾佢地聽點打. 好喇, 同佢地講果陣就話明. 到咗present果陣, 佢地仲好有自信咁添, 但係第一次呢, 麥雞就連開始咗都唔知啦!!! 仲要係咁講囉........ 跟住仲要係咁嘈! 然後就要second start 啦, 仲衰!!! 原子奇一d 都唔識打, 仲要扮晒無奈. 真係佢老母個仔! 等陣, 我仲未講完呀! 咁都未算最衰呀! 呀麥雞先生打個drum set 真係勁到呢! 我已經o係佢隔離打晒拍子, 但係佢依然係唔知打咗d咩出來囉, 真係100% 有破壞冇健設. 屌! 真係唔爆粗都唔得! 我果陣真係嬲到爆囉! 其實你唔識唔緊要呀, 但係你唔好'懶'晒識咁呀嘛! 咁樣累死人嫁, 我今次咪做咗死者囉! 得 8/20, 我未試過音樂有野唔合格囉! 今次俾佢地破處喇, 屈晒啦你地! 我知音樂呢科, 你地唔重視甚至唔鍾意, 因為唔係主科, 又唔計分! 但係你地都唔係咁做野嫁嘛, 態度極差囉! 仲有, 你地唔重視, 唔代表我同你地一樣囉! 我想每一個音樂project 都做好佢, 因為我真係好鍾意音樂! 但係今次就真係完全俾佢地糟塌晒! 所以我就真係好唔開心, 一來就做唔好個presentation, 而且我對佢地兩個真係好失望囉, 仲覺得佢地好自私! 你諗下啦, 如果麥雞有drama 做, 但係就有人搞到個drama 變咗d 唔知乜野, 佢會點呀? 佢仲要o係度賴ms lo 唔好, 其實我一定要多謝ms lo, 因為咁樣嘅垃圾都有8分, 真係好俾面! 多謝晒囉!

  跟住就落堂喇, 我就當然係成堂黑晒口面啦! 落番去3A都有幾個好好嘅朋友安慰我, 但係我果陣真係火燒心, 我驚我會發咗你地脾氣, 所以冇應到你地. 對唔住呀! 而且都好多謝你地關心我. 跟住, 我都仲係唔開心, 所以就走咗去打我最鍾意嘅籃球! 手感唔錯呀, game 咗人地好多次! 之後就不知不覺咁冇事lu~~~ 雖然今次唔係好大件事, 但係我就真係好唔開心! 佢地兩個真係好離譜! 不過算啦, 人總會錯, 原諒佢地一次咁大把啦! 下次再係咁, 我一定鬧死佢地!

  好喇! 發洩完喇! 依家個心舒服好多lu~~~ 其實我有樣野想問你地, 你地覺得我係個點樣嘅人呢? 請你地留低cm, 話俾我聽! 我真係好想聽下你地對我嘅睇法! 千其唔好留情, 有好有唔好, 一定要話晒俾我知! 我想知自己有咩唔好, 須要改善一下! 就算係破口大罵, 我都唔會介意! 希望你地可以盡情咁留cm啦!

  • 10:01 am
  • 4 Comments