當大家都在問我上大學認識到了女朋友沒有，我總是說連對象都沒有，說甚麼女朋友
這樣就騙了自己四個月了
其實不是沒有對象，只是喜歡了一個沒有可能的
自己不適合人家的要求，只是自己不認命
常偷看人家專頁、連自己也覺得自己變態
理智多番提醒自己放下，情感卻總是壓抑不住
單戀的痛，又有幾多人知道
特別是喜歡了一個自己也知道不可能的
人總是不認命
但每當你執迷不悟時，上天總會給你一些指示
今晚的相片算是個大提示吧
對，雖然第一次喜歡女孩就喜歡上個沒可能的
但也感謝她讓我知道喜歡一個人是甚麼一回事
從沒開始過，不算是失戀
但以後唱 我愛的人 時該會更傳神
跟兄弟聊過，總算釋放了壓抑在心中很久，想說很久的話
希望自己能快點放下吧，否則YR 4 也會是A0
更幸運的，也可能是不可能變為可能.....
唉... 別再想了
我想放下，可以嗎?
大學生活開展了兩星期...
甚麼 University 就是「預你玩四年」的說法，一點也感受不到
自從進入cu 以後，得到的只有「碰釘」和「不被取錄」的回憶
午飯時段再沒有一班兄弟陪我在球場上流青春的汗水，現在只剩下我一人在眾志堂食11蚊頹飯的身影
上課時再沒有與老師們的互動，嚴格來說，我從沒有在這裡上過一個課堂，每天都只是和很多人一起坐在lecture hall 內，聽Professor 講課
死氣沉沉，很沒有趣味.....
下課後再沒有一大班人沖去籃球場鬥球的激情，只剩下自己一人，孤孤單單的坐火車回家
選校隊，沒有進
選院隊，也沒有進
申請宿舍，失敗
申請「崇慶」工作人員，不被取錄
接下來這四年，玩甚麼?
要不是我在中學認識到一班兄弟，我可能已經去選擇輕生了...
所謂的更多自由，我反而覺得以前更自由
至少我想參加甚麼也總有機會.....
在這樣一個得不到認同、沒有朋友、不能證明自己的地方.... 實在沒有任何值得留戀的地方
這四年，只希望能轉眼過去
我寧可早點出來體驗社會的辛酸和黑暗，也不想留在一個浪費自己的地方
老實說，今年不太感受到聖誕氣氛....
倒數時對住d 數學題目真係有d sad v_v
anyway, 考好個dse!
下年聖誕一定唔可以咁樣過 !_!
這段時期實在是非人生活....
困難並不在於密集的rt，而是在於繁複的sba
實在太浪費時間，卻不能置之不理
無奈的我們就像教籌局的扯線公仔，任由擺佈，毫無反抗之力
有時候的確很想逃避一切，甚至妄想眼前一切都只是夢.......
可惜事與願違，還有連串難題尚未解決
但是.....
我已經很累了..........
我要怎樣做才能跨過眼前這個難關呢? ~.~
中六呢一年，suppose 每一個quiz 都要發揮得最好~~~
但係每科出到來ge 分數都係唔太滿意，careless mistake 數之不盡.......
究竟幾時先可以擺脫呢個問題......... ~.~
眼見其他同學不斷進步，而自己又好似冇乜突破咁，真係有d 唔開心 T_T
唯有自己再努力多D， I CAN OD MUCH MORE BETTER!!!
另外，轉左老師之後真係好唔想上英文堂........
Ms. Wu 當正我地小學雞咁.......
又話我地拎野慢，又話我地嘈.........
但係佢好多時講d 野又真係冇乜用，仲要係咁抄個ppt
好難叫人專心聽佢講書 ~.~
而且總覺得佢做野好冇系統.... 話做就做咁 >.<
老實，真係好掛住ms lui
每星期第一堂就講定晒要每日做乜做乜
做野又有效率有系統
當時又唔識珍惜，依家有對比之下先知ms lui 有幾好 ~.~
anyway，點都要適應.....
如果唔得，就唯有靠自己做多d practice 補救吧!
自從腳傷後，完全感受到 「寸步難行」 嘅滋味......
一個波牛竟然打唔到波，就如Poon Sir 冇得補習或者肥亮冇得去影印.....
你話係何等GE 痛苦呢....? =[
日日留o係屋企對住部電腦，唔係打機就睇戲......
真係又悶又hea.......
呢種又冇意義又無聊又枯燥嘅生活真係一日比一日難過 =.=
最慘係隻腳需要長時間康復，想快d 打番波都無能為力，只能坐以待弊.....
唉..... 真係就來悶死 ~.~
唯一幸慶嘅係隻腳康復進度尚算良好，依家唔洗用把傘都行到路.....
但始終右腳都係唔可以受壓，所以依然未行到樓梯 ~.~
只希望隻腳可以快d 好番，我掛住jump shoot 果種感覺呀!!!!
雖然呢排真係極之無聊，但好彩科技發達....
留o係屋企都仲可以聽歌同追劇~~~
於是，我就趁呢段時間睇番零秒出手 @@
其實套野真係幾好睇，起碼唔會好似籃球火咁樣三分線起跳爆籃咁on_
我諗三日內應該睇得晒.....
睇完之後又追另一套，相信隻腳未好番之前....
我都只能夠待在家中做毒L [sosad]
自從考試之後，就不停咁打波
o係咁炎熱ge 天氣下做運動，真係幫我減咗唔少磅
成個人瘦番好多，又令我充實地過咗幾個星期~~~
今日又番咗學校打波，點知樂極生悲 =[
搶完個籃板之後落地啪一聲，已經心知不妙
一坐低隻右腳痛到痴線.....
當時除咗大叫之外，乜都仲做唔到.....
full 完冰，抖咗陣之後
全靠一班好巴打抬我先番到屋企
多謝佢地每一位，萬分感激!!!
沖完涼抖一抖又彈落街去睇急症
o係我自己彈下彈下期間，有唔少途人都以奇怪眼光望住我
有d 衰人甚至笑笑口咁樣食花生 :@
雖然我只係做咗一陣傷殘人士，但已經感受到受「歧視」嘅感覺
呢種感覺的確唔好受，令我感覺自己好似個怪人咁 =[
佢地咁望究竟有乜居心?
但至少提醒我以後要多加關懷同幫助傷殘人士!
去醫院搞咗兩個鐘之後，最後醫生話我冇傷到骨
咁都好d，但打完止痛針都仲係好痛 ><
醫生話我應該一個星期都行唔到腳 [真係好不便 ~.~]
暑假傷都總好比番學傷ge......
同埋真係可以收心養性準備dse!!!
凡事向好方面諗都總會開心d =]
最後，希望自己可以快d 好番啦.....
路都行唔到真係好鬼麻煩 ><
btw，聽日就係好多位同學同老師ge last day!
我唔想連同佢地 say good bye 都冇
所以我就算攰死都要彈到番學校!!!!
如果你地聽日見到有條友彈下彈下
千其唔好以有彊屍，其實係我來嫁 xd
anyway，see you guys tmr!!! =]
雖說天下無不散之延席，離別是為了翻開人生中新的一頁
但每當面對離別時都總會感到不捨和感慨 =[
===========================================
先說同學
據現有消息，至少有5個同學將會離開九濟，到其他學校或國家繼續完成學業
當中有唔少係同自己好好感情又識咗好奈ge 好朋友
最唔捨得一定係「高佬」
入到來濟記第一個朋友，由form 1 開始識到依家....
雖然中二之後就冇再同班，但友情依然有增無減
我地一直都kp 住一齊打波，一齊o係校隊出生入死
籃球 絕對是連起我倆友誼的橋樑 =]
如今高佬要離開聖芳濟，作為巴打一定好唔捨得....
但如果到他校發展的確對高佬有幫助，我絕對讚成同支持佢咁做
我希望佢能夠作出對自己最正確最適當ge 選擇，在此祝福佢 前程錦繡!
其他離開ge 同學，我都希望你地一路順風，定期番來濟記探探我地!!! =']
==============================================
後說老師
其實我真係好唔明點解年年教員室都有十幾個調動.....
仲要好多個新老師都好似做唔長咁樣 ~.~
今年又走多幾個好老師喇..... ms lui, zinc tsang, ms tse, ms yim, etc....
咁多老師走，究竟係乜野原因呢?
作為學生的確唔太清楚，但真係希望唔好再係咁......
雖然唔知其他學校係咪都係咁，但咁樣轉老師法真係對學生好大影響
每換一個老師，學生又要重新適應 [esp for NSS]
無論對課程進度同學生投入度都有不良影響
我明白老師離開或留低汲及好多其他因素，
但老師調動實在對學生同教學都造成好多不便
所以我好希望學校能正視呢個問題。
但同樣地，希望所有即將離開濟記GE老師日後工作順利，前程錦繡 [又用，詞窮=.=]
==============================================
呢排收到咁多人離開ge 消息
不禁令我想起我已在聖芳濟渡過了5個年頭
亦意味著下年就係我ge last year....
諗諗下，畢業之後唔洗日日都7點起身番學又唔洗著校服
畢竟呢5年來每朝都做同一樣野，究然唔洗做
一定會覺得好唔慣，好奇怪
我依家已經開始有種依依不捨ge 感覺 ><
呢5年來，見到d f5 同 f7 last day 就見得多喇
由form 1果陣完全唔知乜事
睇到依家會睇到眼濕濕
到咗我last day 果陣，又會係點嫁呢?
呢兩日終於派晒郝有卷，成績故然係比上學期退步
平均分有70.375，可能對好多人來講係個不錯嘅分數
但係自己真係十分唔滿意自己嘅表現
先講最差嘅中文，今次份閱讀卷已經唔算難，但我依然攞唔到合格，第時dse點算?
作文卷，只懂寫議論文嘅我一直擔心議論文嘅題目唔o岩寫
誰知今次真係撞正一條自己冇把握嘅題目
呢個唔係藉口，只能怪自己d 寫作技巧貧乏，到時dse 都唔會一定出條o岩寫ge 題目
今次即使冇俾人扣5分錯字，我都只係得44分
但係我完全唔知自己有乜野不足，答題紙上只有剔號同圓圈
我好想知出錯在何處，但一句評語都冇，我真係唔知要點改.....
綜合能力，再一次敗o係見解論證上....
3/15 ，表現真係極之差....
雖說ck 改得嚴，但如果自己真係寫得好，依然能夠合到格
只能怪自己審題唔夠小心同練習過少吧
我實在唔想因為中文考得差而入唔到大學
但係究竟點做先可以中文進步? 我唔知道。
英文科總分數可觀，但reading 同 writing 嘅part b 都炒到飛起.....
reading 每次做親poem 都唔掂，
part b 24/50, 正正反映出我嘅不濟......
writing part b，同樣唔理想 ~.~
14/21.... 絕非水準之作.....
同綜合能力一樣，未能扣題作答
我嘅審題能力的確比以前差，係咪因為練習過少呢?
不過英文至少知自己有乜錯處
如果要攞到 5*，一定要將勤補拙，努力練習!
一向最有把握嘅數學同m2 都比預期差.....
最大問題唔係唔識計，而係錯careless 野
如果小心d，兩科數都可以高多3 -4 分
但無奈一向粗心大意嘅我，永遠就係錯最多分o係d 無謂錯誤上....
幾時我先學識小心做數? 點解最簡單嘅數反而會做錯而無分?
要改進就只能夠日後更集中做數學卷，以免再錯低能野
三科elective 都考得唔錯，但依然可做得更更更加好
特別係chem，如果自己能夠再俾多d 心機溫書，相信分數不限於今次個分
phy 同 geo 考得最好，但當中同樣有唔少大意錯誤
明明識答而因大意失荊州，呢種感覺真係好難受
希望日後自己能夠細心d 做卷，以防再犯低能錯誤
其實，我覺得自己最大問題係「懶」。每次溫書都總係臨急抱佛腳
如果自己能夠自律早d 溫定習，相信成績會好好多
但奈何自制能力實在太低，亦高估咗自己能力
最後就換上差劣成績
我唔能怪任何人，只能怪自己唔生性。
我最驚係到考公開試都仲會唔識死
始終覺得自己未ready 好去考dse
希望來緊呢個暑假我能夠調整好自己心態
================================================
我真係唔想到時收到公開試成績之後先來後悔
到時一切都已經太遲
我會汲取今次教訓，唔再臨急抱佛腳
我相信自己來年一定能夠有大進步!
曾迪銨，生性喇!!!!
6月28日 [ bravo 2gather!]
今次有幸代表聖芳濟參加聯校歌唱比賽ge 獨唱同合唱比賽，真係好開心同幸運。
其實今次我自己都幾緊張....
首先，我把聲其實不在最佳狀態，仲ok 沙，比賽前幾日練果陣都係咁破音，真係好擔心上到台發揮唔到水準，失禮自己同濟記
第二，都係最後一次唱聯校比賽，梗係想表演到最好，但考試後練習時間不足，真係信心不大，好驚上台失手 ~.~
不過，把聲經過漁夫之寶同開聲茶多日搶救，幸運地回復水準，真係謝天謝地!!! orz
到咗真正比賽，都完全放開自己，盡情唱歌，一d都唔緊張，我真係好enjoy o係個台度表演俾大家睇!!! =]
我最驚喜係獨唱果陣，好多人同我合唱「我愛的人~~~ 不是我的愛人~~~]
果一刻真係好好好好好好好好好好好好開心!!! 好似開緊演唱會咁呀!!!!
真係超勁爆多謝台下觀眾，令我超級enjoy 個比賽!!!! ^^
同埋都好多謝三間學校ge su/sa 搞呢個比賽，冇咗你地ge 努力同付出，小弟都唔會有機會上台唱歌
我知呢d 唔係必然ge，so 多謝 x 10^n to all organizing committee and pic!!!
其實，能夠以合唱組冠軍呢個身份完結自己中學生涯最後一個聯校sing con，真係無憾+滿足
今次比賽真係最難此ge 一次，bravo2gather ge 一點一滴我絕對唔會忘記 =]
最後，我真係好鍾意唱歌嫁!!! BRAVO!!!!!!!!!!
Recent Comments