尋日因為買唔到阿G.E.M.而唔開心, 但係又o係阿G.E.M.個FORUM 見到佢親自為呢件事解話, 解答咗好毚FANS 嘅問題. 令好多FANS 都放心(包括我). 當我見到佢個POST果陣真係好開心同埋感動. 因為我覺得佢自己本身就好忙, 同埋好多野做. 但係佢都肯抽私人時間去上FORUM睇下我地有咩講, 真係好有心. 仲要見到我地好多人對第二版EP不滿, 就即刻開POST解釋, 見到有FANS 話唔開心, 又安慰佢, 我覺得阿G.E.M.真係好關心我地一班FANS!

我話自己傻咗, 係因為今日我做咗一件又理智又唔理智嘅事. (我o係度講咩 =3=)

今朝一起身, 梳洗過後, 就開咗電腦. 然後又上阿G.E.M.個FORUM(依家每日嘅例行公事=3=), 諗住睇下有咩新動向. 點知俾我見到有人話朗豪城CD WAREHOUSE仲有, 賣$198. 然後我就偷運$200利是, 即刻就飛出去買. 又死好命買到, $198, 好攞命呀!!! 用兩百買一隻CD真係好唔理智, 不過作為G.E.M.嘅超級粉絲, 當佢隻ep買到斷晒市, 但係有一隻o係我面前出現, 買咗佢, 的確好理智. 講到呢度, 我都唔知自己講咩, 因為我真係傻咗.......... -_-|||

依家隻ep到咗手, 百感交集, 唔識得用把口表達出來....... 總之就係所以好嘅形容詞合埋一齊.

今日係耶穌滿月, 呀! 唔係....... 係年三十晚, 祝定大家身體健康, 學業進步!!!

P.S.: 希望阿G.E.M. 下年事業一帆風順, 身體健康, 青春常註, 最緊要就係希望佢可以心想事成.

我呢個小粉絲可以做嘅就係永遠支持你!!!!!!!!!!!! (我諗我要CHECK 下腦 )

本來諗住今日有得買阿G.E.M.隻E.P., 點知去到HMV, 點知連影都唔見........

跟住上網CHECK下有冇睇錯日期, 都無錯. 然後, 我就上G.E.M.個論壇度睇, 先知道D大店要訂定......... 有D黑市價炒到成二百, 睇到我O晒.............

聽日我會出信和一趟, 博下運氣. 如果黑市價唔過$200, 照殺!!!!!!!!!

搞咗一大餐, 終於搞掂隻歌嘅chorus 同埋bridge.

俾咗幾個人聽, 得到唔錯嘅回應, 好開心呀!!!

不過, 始終係第一次作曲, 所以有大把野要改.

點都好啦, 我會作好呢隻歌! @@

今日上bio  堂, 對住個多啦A夢真係悶到嘔呀!!! 完全無聽佢講書, 點知就o係發夢中靈機一觸, 有一段melody 在腦中浮現, 跟住就閞始寫歌, 同埋填詞.

今晚dl 咗個notepad, 搞咗一大餐之後, 叫做搞掂咗個chorus, bio 堂又填咗少少詞 (果bridge 同埋 chorus).

bridge: 愛著你 我願意將一切放棄,  掛念你 令我生醉夢死

chorus: 我想哭 不想它結束 只想牽著你 停止你去路

            xxxxxxxxxxxxxxxxxxxxxxxxxxx

            我已哭 也許即將結束 仍想繼續戀愛 xxxxxxxx

            xxxxxx   恕我未能做到

xxxx 代表未諗到填咩落去, 個melody, 俾阿媽聽過, 佢都話ok, 我會繼續努力作埋落去!!!

路過請留下cm, 任踩!!! @@

o岩o岩得知阿G.E.M. o係十大中文金曲果新人獎得亞軍, 輸俾william. 一來鄧我最鍾意嘅G.E.M. 唔抵, 二來有D 唔開心. 首先, 覺得唔抵係因為論唱功, WILLIAM 真係行埋一邊. 仲有, 我相信阿G.E.M.嘅人氣一定高過WILLIAM, 但奈何WILLIAM 間英皇大過hummingbird music N倍, 因而攞唔到獎, 唉..........

唔開心嘅原因就係我覺得依家做馬嘅情況愈來愈嚴重, 如果繼續咁落去, 香港樂壇嘅士道真係會愈來愈差. 因為做馬會埋沒咗好多有實力嘅歌手, 仲有依家咁做馬法, D大公司攞晒D獎, 搞到D 細公司無獎攞, 真係好唔公平.

雖然阿G.E.M.攞唔到金獎, 但係我一定會繼續支持佢, 我相信阿G.E.M.o係將來一定會有更高嘅榮耀.加油呀!!! G.E.M.!!!!!!!!

頭先真係好悶, 所以就不停咁諗野.

依家有個結論, 我完全無'天份'做個跟得fans.

首先我阿媽完全唔會接受我追星, 自己又大把野做, 最緊要係讀書啦,又要打波同埋拉小提琴. 依家都唔夠時間用, 仲追星!? 無可能啦, 神人咩. 我寧願考好D, 俾個好D 嘅印象阿G.E.M. 好過. 我會以阿G.E.M. 21分為MIN. STANDARD, 一定要F.6果陣考好個試呀! 大學都入唔到, 咩都唔駛做. 雖然遠咗D, 但係諗定都差唔多嫁喇!

好! 依家我正式宣佈, 長達一星期嘅追星夢完滿結束. 不過, 如果真係好得閒, 都會支持下阿G.E.M..嘅. @@

番咗學一個禮拜, (其實我覺得呢個禮拜根本就唔係番緊學), 對晒d卷. 一講起成績就唔想提. 因為可以用一塌糊塗來'刑'容. 得科中史見得人, 唉.....................

一月七日, 第一次出阿G.E.M. FUNZ,  見到阿G.E.M. 真人(好靚女呀!XD), 好開心! 仲影埋合照, 但係最近呢兩次都無藉口出FUNZ, 覺得自己出完一次FUNZ 又唔出, 好衰仔, -_-|||

今日NSL LAST DAY, 歡送會玩到HIGH 咗. 不過唔知點解聖芳濟D老師無個做得長, 唔走果D, 十個有九個都廢嘅. 唉, 越來越覺得聖芳濟無前途..... 依家連BR. ANDREW 都走埋, 真係雪上加霜........

 呢個係09 年嘅第一個entry, 不過都無咩特別野想寫.

我依家最想做嘅野就係恭喜阿GEM喇! 佢o係o岩o岩嘅頒獎禮攞咗女新人金獎呀! 我真係好開心, 都一樣好鄧阿GEM 開心. 希望佢可以o係事業上有更高嘅成就, 同時有一個健康嘅身體. 唉...., 揾極都揾唔到佢隻ep 呀! 好想好想買呀!大家上去youtube 聽下阿gem 嘅歌啦!

我嘅推介有:

1. Where did you go

2. 睡公主

3. 等一個他

睡公主係佢自己作嫁, 而where did you go 真係好好聽. 希望你地會鍾意啦!

聽日就考完試喇! 真係等咗呢個moment 好奈, 依加只係距離呢個moment 唔夠24小時. 一考完呢個就可以完全咁釋放自己! 一考完就開波!!! 約好晒嫁喇, 成班上我會所打3 on 3! 唔知發唔發揮到主場嘅威力呢? 希望可以搵番d shooter 嘅觸覺啦! 依家嘅興奮真係盡在不言中呀! 依家要做嘅都做晒, 希望聽日份卷唔好咁難啦! : p

今日份maths 1............ 有冇人可以話我聽果份係咩?

我諗我加埋RT 應該可以緊緊合格, 慘................................