5月2號就將來臨
亦意味住16歲嘅Andy就將進化做17歲嘅Andy
原本o係假期最後一日過生日係件幾開心嘅事
但一連串sba 卻搞到生日都要在功課中渡過
堅係灰.....
雖然我會盡力o係2號前做晒d 野
但大家都要做sba
我唔可以咁自私
今年生日，還是自high 吧........

睇番以前嘅blog
先發現無憂無慮同白白痴痴果個我已經漸漸消失
換來一個暴燥嘅我..........
每當我一諗起5月個schedule
就已經想死 ><
以前做任何野都好有衝勁嘅我去咗邊?

繼續抱住依家呢種hea 下hea 下嘅態度
必定o係下年dse 做炮灰
究竟要點做?
我真係唔知
如果要用兩個字形容依家嘅自己
「迷惘」應該最適合不過.....

上次update 呢度係幾時呢 ?.?

其實成日都有kp 住上xanga,

但就淨係做cd-rom

有時間都想打下野, 但自己又懶

如是者係咁懶落圯就搞到呢度封晒塵.....

所以, 都係時間打番幾句 :p

星期五正係talentime 大日子
我地chemical echo 苦練多時
終於有機會o係台上大顯歌喉
用十分鐘唱晒我地最鍾意果d 歌
呢種感覺真係好正, thx ed 濟

唯獨美中不足係sam 上台發夢.....
叫佢練又hea 下hea下咁....
唉, 拍拖之後就變咗另一個人咁.....
依家呢個再唔係我識果個膠sam.....
老實說, 自己好唔開心 =[
感覺上就好似冇咗個好朋友咁....
但係呢條路係佢自己揀....
學濟咁講, 只好祝福佢幸福快樂
千其唔好因為拍拖而影響dse 就好了.... ~.~

talentime完後
成班知心好友打邊爐
玩到好開心好盡興~~~~
thx u guys!
人大咗, 真係會愈來愈少朋友
到咗依家, 我都仲有你地呢班好朋友
我真係覺得自己好好彩, 好幸福
真希望以後有多d 呢d 聚會=]

玩樂過後, 又係一連串工作 =.=
新學制底下, 真係冇時停........
根本連玩緊果陣
都要諗定點做d sba, 幾時溫書, 幾時要交功課
老實說, 呢種壓迫嘅感覺實在不好受
一連串工作推埋來, 令上學變得乏味枯燥
連放假都要補課，假期功課又多到痴線
精神長時間受壓, 真係好辛苦

呢d非人生活, 究竟幾時先可以完?

ps: 聽日chem rt, 希望考得好好睇睇! 呢科dse 以5* 為目標嫁, 唔衰得!!!
      btw, 所有讀chem 嘅巴打都一齊 @oil!!!

呢排真係覺得做乜都唔暢通, 個人好down好唔開心 =[=[=[

今日chem test hcl 睇咗做 h2so4, full chemical equation 寫咗full ionic, 扣下扣下, 唔肥就奇 =[

琴日份m2 明明成份卷都明, 但係做果陣又好似發晒夢咁!=[

我完全唔知自己做緊乜, 淨係覺得自己好失敗,

連chem, 數都炒, 真係唔洗做人 =[ T_T

希望考試唔好再犯, 同埋聽日社際隻手1同我暢暢順順, 射番準D 啦 =[

我終於番來呢度喇! 自從facebook 愈來愈強大, 就唔想上呢度長篇大論咁打野 =3=

(ps: 頭先直頭唔記得點樣 update new blog ~.~)

話咁快, 原來自己已經係中五。回想前4年, 心態一直都係玩玩下..........
雖然成績都keep 到頭十, 但總得覺自己有幸運成份。
眼見大家都為自己學業而努力, 自己又懶懶閒咁樣, 有時都覺得自己好唔生性 =_=

但係今年, 唔知點解成個心態有所改變。
好想自己讀好書,
好想改善自己弱點,
好想o係自己長處上有突破,
好想考好每個試
感覺上心入面有種無形嘅動力去推動自己走到更前
可能係 dse 帶來嘅壓力, 但我相信呢樣係好事
以前嘅自己淨係識諗做完野之後玩乜野
但依家反而係會plan 定自己有乜係要做,
甚至冇時間玩都冇乜所謂。

希望呢團火, 呢鼓動力會繼續留在我心中
因為, 我真係好想入到心儀大學修讀自己最鍾意果一科!

已經好奈冇上過來打野，今日見無無聊聊咁樣，所以就上咗來呢度。

其實都冇乜野講, 回顧番過嘅 1 月, 都真係幾成功。

首先, 我第2年參加SINGSING SING, 就俾我符碌攞到 第3 =] 自己的確比以前前步, 最開心有人話俾我聽我嘅歌聲感動佢。呢樣係我一直追求嘅，依家終於實現到~~~

跟住, 我地 4E 班就勇奪高級組班際籃球季軍 =] 非常感激每一個有落場同埋o係場邊支持我地嘅同學。我自己最深刻果場就梗係4強對6A ~~~ 果場我手感真係好好，多番起手都命中, 唯獨罰球方面就差咗D，真係應該睇定D 先射。不過點都好，我都上咗寶貴課，而特別高興嘅係呢場我心理質素好咗好多。EVEN 到咗季軍, 我都係KP 住同樣心態。 如果以後嘅比賽都可以咁冷靜就好喇 =]
PS: 我真係將我嘅拉遠D 同埋練好D 隻右手 ~.~

最後，唔經唔覺就做咗 SU 成4個月。時間真係過得好鬼快~~~ 老實講, 自己有一排真係對自己冇晒信心, 唔想繼續做SU。但係到咗依家, 果種熱情同充勁都愈來愈強。我希望自己可以O係下學期做得更好，改善自己弱點, 同時都跟各位學習。希望我真係可以搞好 CITY TRACING啦~~~

都成12點, 唔講咁多喇, 聽日都測CHEM, 希望有好成績出到來啦~~~

勁奈冇 update lu..............

其實今次想講嘅唔多，只希望自己可以o係各方面有更多進步。

[希望可以拉近一些]

過咗兩日 test week，表現都應該不過不失，成績應該會幾理想。聽日phys, 依家開始溫啦，一定要明晒 d graph。

呢排都唔知做乜，成個人都好憂慮咁樣，又係咁諗埋d 唔開心嘅野。做任何野都冇動力，硬係覺得自己會做得唔好，感覺上對自己失去信心。唔知做乜，會無啦啦好唔開心，有時仲想喊。

打波又冇晒手感，就來打學界。如果狀態仲係咁低迷，出場一定更少。拖車一向唔太鍾意我，佢做教練，我出場時間都大減。即使我練波幾落力, 狀態有幾好，佢都只係當我符碌。我真係好想向佢證明自己嘅實力。希望手感會盡快番來。

唔講咁多, 開始溫 phy, 得閒再打過blog。

今日 OLE，全級 F.4 去咗聽音樂會。有好樂器都未見過，除咗個 VIOLIN。我個人最鍾意打果個類似鼓個野，佢兩隻手協調好勁得來又可以打到好快，果 PART 真係聽到 O 咗。而且個 VIOLIN 都好勁，將一個西方樂器可以演奏到一種另類風格嘅音樂，而且D 音又超快，見到佢D 手指，真係覺得佢地好西利。其他樂器嘅合作都好好，雖然我唔知係乜野樂器，亦未聽過，但係我都知道佢地一定係好有經驗嘅音樂人。

入正題，我首先要對自己所做嘅行為向所有人道歉。上車果時，我已經開始嘈嫁喇。o係度唱 wrong hole，唱到傻咗。落咗車之後，某人見到一個真光嘅學生，樣貌的確....... 之後我地就不停攞佢做話題。入到場之後，繼續嘈。演奏頭尾我都真係有聽，而且冇嘈。但係到咗中段果陣，真係覺得悶。我就開始派膠，扮電擊男。之後佢地又開始笑。仲要愈來愈大聲(我冇份)，後尾仲要有職員過來叫我地唔好嘈，但係佢地仲要繼續。其實果陣我都開始覺得自己有問題，但係後尾又掛住劃 SO4 (2 - )，所以又冇咗件事。

直到頭先睇到阿國頭先個篇 FACEBOOK NOTE，我先真正反省自己嘅所作所為。第一，人地天生面貌不順眼，我地就不停咁樣攞佢來講。比著係我自己，我都唔想咁樣俾人話。雖然佢未必知我地點話佢，但係唔代表我地可以咁樣做。第二，入到場，其實好應該收聲等聽表演。但係我地都係仲嘈，雖然一開始果陣係好靜。但係過咗一陣我地又開始嘈，完全冇尊重表演者。假若我係表演者，我都一定好唔開心。之後又起哄，雖然我冇咁做，但係咁樣絕對都係搔擾嘅行為。

以上所做嘅野，一來唔尊重表演宿，更加唔尊重自己，而且絕對係唔愛錫濟記嘅行為。我著住聖芳濟校服，但係卻做出一D 咁唔知醜嘅行為。我想得到人地尊重，我自己卻唔尊重人。依家講一切都太遲，以前我話過要改，一樣都做唔到。我次次都係得個講字，我都唔知自己想點。

唯一一樣我比較好嘅就係我冇大聲叫，而且表演果陣我都冇大聲講野。

我明白阿國點解咁嬲，因為佢真係好想聽人地個表演，但係我地就搔擾佢。我又出口成言，講完就算。話咗要改，都係唔改。我對自己好失望，我真係好想改，但係我又改唔到。講來講去，我都係唔知點做好。不過，既然我本來搞 GAG 係想帶歡樂俾人，但係依家就係令到人地覺得煩的話，我倒不如收收皮。以免令到我D 朋友都遠離我，我唔想變成孤獨嘅人呀! 我覺得依家自己依家真係好乞人憎。今次都唔開始改，我就冇得番轉頭。

而且，我已經成為咗學生會嘅一員，亦係等同學生們的代表。如今我卻做出D 咁樣嘅行為! 我覺得自己真係愧對 SU。其實果日林琴叫我起身答問題係因為我嘈，所以佢先會咁樣叫我。其實我真係有慚愧，但係為咗面子，我就先o係度死'chang'。我咁樣做，同懦夫冇分別。唔肯面對自己嘅過錯，我絕對唔應該咁樣做。歐俊傑真係好值得我學習。雖然佢都係坐埋我地果堆，但係佢真係可以控制自己。表演果陣我地嘈，佢都真係冇出過聲咁濟。我要以佢為目標，自制就係我完全缺乏嘅野。

最後，我再次向我今日所煩到嘅任何人講多一次 ' 對唔住'。 我知道已經於事無補，但係我都要盡我嘅力去負責。同埋，我再唔減低派膠排放量，一定對自己無好處。希望我真係可以做到對自己嘅承諾。

今日真係悶到PK, 頂唔順, 一定要打下N 世冇掂過嘅XANGA.

今年f4喇, 已經由 junior 變咗做 senior. 今年一定大把野做~~~ 首先我做咗su committee啦, 真係好榮幸^^ 而且, strings 同 籃球學會都搵咗我做 com, 所以今年呢........ 一定忙到死 ><

以下係今年 set 嘅 targets:

1) 做好學生會, 籃球學會同 strings 嘅工作

2) 練多d波 =3=

3) 繼續玩 sing sing sing , 以下士但揀一隻 a)沙龍,  b) 三人遊, c) 如果我是陳奕迅. either one!!!

4) 上堂盡量聽多d 書, (中文另計)

5) test or exams, 要預早溫定書.

6) hw 要準時交!!! ( 同樣中文另計 )

7) Maths 要努力, 的確唔係咁好 =3=

差唔多喇, 有7樣野要做! 7大 目標!!! 希望做得幾多得幾多~~~

話說修士盃應該好快就來到, 唔知4E 班會唔會訂波衫??? 真係好想印字: ON , 9號. 一定勁好玩 ^^

今日打住咁多先, 遲D 先再打 =)

今日嘅行程:
十一點十五分: o係學校等
十一點三十分: 去天香飲茶
一點三十分: 去我會所 (一係上堂)
三點三十分: 去晏架街踢波
四點正: 開波!
六點正: 完場!

我一早已經講清楚晒俾我老母聽, 時間, 地點一樣. 只係我冇去到上堂, 佢唔知.

今日遲番, 佢就開始鬧我, 話我做乜咁遲番, 仲講出以下行程:

踢波 -----> 去天香 ------> 上堂 -------> 番屋企

你話佢乜料, 仲要死都話我係講到佢咁樣, 我真係無法再忍佢! 今次已經唔係第一次, 之前有幾次已經記錯晒. 好聲好氣同佢講到明, 佢都仲係唔信. 今日, 我唔會再忍佢, 一切已經夠. 只要佢仲係唔明我嬲乜野, 我都唔會出番房門! 總之我依家就好嬲!!! 仲要係咁講佢自己點樣偉大, 夠喇! 我唔想聽囉! 拖開話題來講到自己o岩晒. 老豆老母都係成日覺得佢地係我家長, 就持住呢樣來壓我, 做錯都唔肯認. 佢地仲要以為自己好了解我, 但係我真係完全feel 唔到. 佢地做家長, 有乜理由要個仔自己主動同佢地傾呢個問題. 我一發脾氣就即刻話我'懶得斥', 又唔諗下我因乜事發脾氣. 成日講到佢地自己好為我設想, 但係就完全冇從我個角度諗. 佢地淨係覺得係我錯晒! 好多時都係雙方都有做錯, 但係每一次道歉嘅就只有我, 一次係咁, 兩次係咁, 我真係覺得佢地好唔尊重我! 從來都只會係我錯.

又成日話我扮'高鬥', 唔同佢地講野. 我細d果陣 ( 11, 12 歲左右) 問佢地番工係點, 佢地就只會話: 講你都唔明嫁啦! 咁就算數. 咁到咗依家, 佢地問番我野, 我咪照樣答番佢囉, 又話我無禮貌. 你想我點呀? 想我做到萬能, 你地咪搵個機械人, set 好晒d 程式, 做你地個乖乖仔囉! 唔好生我出來啦! 淨係識話我衰, 我依家就衰俾你睇, 就算打死我, 我都肯! 依家我火到爆! 講完!